pagtangi at pangungulila
Sa aking paglipad, dala ko ang iyong alaala
Aking iuukit sa matatayog na ulap
Ang nangungusap mong mga mata
At labing puno ng tamis at ligaw na salitang
tumatakas sa iyong puso at diwa.
Sa aking pagkakawalay, tangay ko sa aking mga bisig
Ang mga hiblang tama ng masamyo mong buhok
na bakas sa higpit ng pagkakayakap
Mangulila man, isang pitik ng daliri at kurap ng mata
Alam kong nandiyan ka lamang sa aking tabi (Higit pa sa multo sa dalas ng paramdam).
Sa aking pagbabalik, iipunin ko ang mga araw at gabi
na nawalay sa iyong piling
Susuklian ko ng habang buhay na pagtangi.
Walang makakasupil, hahamakin ang tadhana
Makapiling kang lubos, hanggang sa paglagot ng hininga.
~ Clementine
Dragonfly Collector 
6 Responses to “pagtangi at pangungulila”
Nice C!
Beautiful!
ang galing parang nagbasa ako ng sulat na sinulat pa noong araw..
hindi nakapagtataka kung ito’y maging isang magandang kanta… more power idol!
I can’t read it :( Someone please tell me what’s it about.
Nice…. sana nga maging kanta ‘to… mtagal tagal n rin na di tayo nkarinig ng tagalog song mula kay kuya clem… :-)